İstanbulda kilsəyə hücumda şübhəli bilinən 17 İŞİD üzvü saxlanıldı

Türkiyənin İstanbul şəhərində yerləşən "Santa Mariya" kilsəsində bir nəfərin ölümü ilə nəticələnən silahlı hücumla əlaqəsi olmaqda şübhəli bilinən 17 İŞİD üzvü saxlanılıb.

Olaylar.az bu barədə Türkiyə KİV-inə istinadən xəbər verir.

Keçirilən əməliyyatda həmçinin, terror təşkilatı ilə əlaqəli çox sayda sənəd ələ keçirilib.

Xatırladaq ki, yanvarın 28-də İstanbulda yerləşən "Santa Mariya" kilsəsində bazar ibadəti zamanı silahlı hücum baş verib. Maskalı iki şəxs tərəfindən açılan atəş nəticəsində kilsə işçisi olan 1972-ci il təvəllüdlü Türkiyə vətəndaşı həlak olub.