NATO 1,2 milyard dollar dəyərində hərbi sursat alacaq

NATO 1,2 milyard dollar dəyərində 155 mm çaplı hərbi sursatın satın alınması barədə müqavilə imzalayıb.

Olaylar.az-a xəbər verir ki, bu barədə NATO-nun baş katibi Yens Stoltenberq sənədin imzalanma mərasimindən sonra jurnalistlərə deyib.

"Elə indicə 1,2 milyard dollar dəyərində 155 mm çaplı artilleriya sursatının satın alınması barədə müqavilə imzaladıq", - o deyib.

Onun sözlərinə görə, bu NATO-ya müttəfiqlərini müdafiə etməyə, eləcə də Ukraynaya yardımı davam etdirməyə imkan verəcək.

NATO Dəstək və Satınalma Agentliyinin baş direktoru Steysi Kamminqs isə öz növbəsində ittifaqa üzv ölkələrin imzalanmış müqavilə çərçivəsində 24-36 ay ərzində hərbi sursatlar əldə edə biləcəklərini deyib.