Rusiya və Türkiyə xarici işlər nazirləri Yaxın Şərq, Transqafqaz üzrə koordinasiyaya çağırıblar - ÖZƏL

Olaylar.az xəbər verir ki, Rusiyanın xarici işlər naziri Sergey Lavrov və türkiyəli həmkarı Hakan Fidan BMT çərçivəsində keçirdikləri görüşdə Yaxın Şərq və Zaqafqaziyadakı kəskin problemlərin həlli üçün addımların əlaqələndirilməsinin zəruriliyini bir daha təsdiqləyiblər.

"Tərəflər bir sıra beynəlxalq hadisələrlə bağlı fikir mübadiləsi aparıblar. Tərəflər kəskin regional problemlərə, xüsusilə Qəzza zolağındakı vəziyyətə, qarşılıqlı məqbul həllərin tapılması marağında ölkələrimizin addımlarının əlaqələndirilməsi tələbini bir daha təsdiqləyiblər", - nazirlikdən bildirilib.

Nazirlik həmçinin bildirib ki, iki nazir energetika sahəsində əsas Rusiya-Türkiyə layihələrinin həyata keçirilməsinə toxunub və qarşıdakı ikitərəfli təmasların qrafikini müzakirə ediblər.

"Tərəflər ikitərəfli ticarət-iqtisadi əməkdaşlığın cari məsələlərini əsaslı surətdə nəzərdən keçiriblər", - nazirlikdən bildirilib. 

"Tərəflər qarşılıqlı faydalı əlaqələrin qorunub saxlanılması və daha da genişləndirilməsi naminə gələcək birgə işin vacibliyini vurğulayıblar".