Ötən sutka ərzində humanitar yardım daşıyan 260 yük maşını Qəzzaya daxil olub - ÖZƏL

Olaylar.az xəbər verir ki, İsrail Müdafiə Nazirliyinin Fələstin ərazilərində hökumətin fəaliyyətini koordinasiya edən bölməsi (COGAT) bildirib ki, ötən sutka ərzində humanitar yardım daşıyan ümumilikdə 260 yük maşını Qəzzaya keçib.
"Yanvarın 21-də ümumilikdə 260 humanitar yardım maşını yoxlanılaraq Qəzzaya göndərilib, bu, müharibənin başlanmasından bəri ən yüksək rəqəmdir", - deyə COGAT bildirib.
121 yük maşını Rəfah sərhəd-keçid məntəqəsi vasitəsilə anklav ərazisinə daxil olub, daha 139 yük maşını isə Kerem Şalom vasitəsilə Qəzzaya keçib.
"Qəzza zolağına daxil ola biləcək humanitar yardımın miqdarında heç bir məhdudiyyət yoxdur", - COGAT əlavə edib.