Çinin şimal-qərbində 4,8 bal gücündə zəlzələ baş verib - ÖZƏL

Çinin şimal-qərbində 4,8 bal gücündə zəlzələ baş verib. 

Olaylar.az xəbər verir ki, Çin Seysmoloji Mərkəzinin saytının məlumatına görə, yeraltı təkanlar yerli vaxtla saat 12:33-də (Moskva vaxtı ilə 07:33) ölkənin Sintszyan-Uyğur Muxtar Rayonunda qeydə alınıb.
Zəlzələnin episentri təxminən 2,7 milyon insanın yaşadığı Çinin Aksu rayonunda olub. Fəlakətin mənbəyi təxminən 16 km dərinlikdə olub.
Tələfat və dağıntılar barədə məlumat yoxdur.
Xatırladaq ki, dekabrda Çinin Qansu və Çinxay əyalətlərində 6,5 bal gücündə zəlzələ baş vermişdi . Yüzdən çox insan həlak olub, 500-ə qədər insan yaralanıb.