Aİ Kiyevə 20 milyard avroluq hərbi yardım planı üzərində işləyir — ÖZƏL

Olaylar.az xəbər verir ki, Avropa İttifaqı növbəti dörd il ərzində Avropa ölkələrinin Ukrayna hakimiyyətinə 20 milyard avrodan çox hərbi dəstək verə biləcəyi plan hazırlayıb.
"Ukraynanın xarici dəstəkdən asılılığını nəzərə alsaq, Aİ-yə üzv dövlətlərin və tərəfdaşların qarşıdakı dövrdə edəcəyi seçimlər Ukraynaya ya qətiyyətlə irəliləməyə imkan verəcək, ya da onun müqavimət göstərmək qabiliyyətini ciddi şəkildə sarsıdacaq", - təklifdə deyilir.
Yeni təklifdə 2022-ci ildə yaradılan Avropa Sülh Fondundan 6,5 milyard avro istifadə edəcək, 2024-cü ildən 2027-ci ilə qədər əlavə olaraq 5 milyard avro vəsaitin ayrılacağı fondun yaradılması nəzərdə tutulur. Yeni fond Aİ ölkələrinə xərcləri kompensasiya edəcək. Büdcənin qalan hissəsi Ukrayna hərbçiləri üçün döyüş hazırlığı proqramlarının xərclərini ödəyəcək. Bu il layihə Aİ ölkələrinə 7,5 milyard avroya qədər təzminat verir.
"Aİ rəsmiləri bildiriblər ki, üzv dövlətlər yaxın günlərdə planın rəsmi müzakirələrinə başlayacaq və təklif, çox güman ki, Aİ liderləri tərəfindən fevralın 1-də keçiriləcək sammitdə müzakirə olunacaq. Bununla belə, istənilən yekun qərarın qəbulu çox güman ki, həftələr çəkəcək", - The Wall Street Journal yazır. 
Dekabrın 14-15-də Brüsseldə keçirilən Aİ-nin ən son sammitində Macarıstanın baş naziri Viktor Orban 2024-2027-ci illər üçün Aİ büdcəsində Ukraynaya 50 milyard avro ayırmağı nəzərdə tutan dəyişikliklərə qarşı çıxıb. Macarıstan Kiyevə ciddi büdcə nəzarəti ilə tədricən, illik əsasda maliyyə dəstəyi göstərməyi tövsiyə etdi. Eyni zamanda, Budapeşt hesab edir ki, ümumi kreditlərdən daha çox büdcədənkənar maliyyələşmə tətbiq edilməlidir.