Müharibə bitdikdən sonra fələstinlilər Qəzza zolağına rəhbərlik edəcək

"Qəzza zolağı radikalların təhlükəsi aradan qaldırıldıqdan sonra fələstinlilər tərəfindən idarə olunacaq".

Olaylar.az xəbər verir ki, bunu İsrailin müdafiə naziri Yoav Gallant televiziya ilə çıxışında bildirib.

"Fələstinlilər Qəzzada yaşayır və buna görə də fələstinlilər gələcəkdə Qəzzanı idarə edəcəklər. Qəzzada gələcək idarəetmə hakimiyyəti Qəzza zolağının içindən yaranmalı və İsrail dövlətinə düşmən olmayan aktyorlara əsaslanmalıdır", - Gallant bildirib.

"Hərbi kampaniyanın sonu siyasətlə bağlanmalıdır".
O qeyd edib ki, "siyasi qərarsızlıq hərbi əməliyyatın gedişinə zərər verə bilər".
"Mən bir planı Nazirlər Kabinetinə təqdim etmişəm. Hər hansı digər plan kimi planı müzakirə etmək, məqsədi müəyyənləşdirmək kabinetin və hökumətin vəzifəsidir", - o, heç bir təfərrüat vermədən deyib.
Yanvarın 14-də Gallant İsrail hökumətini 2007-ci ildən Qəzza zolağına rəhbərlik edən Həmas hərəkatına qarşı çıxmaq üçün İordan çayının qərb sahilində Fələstin Milli Administrasiyasının mövqelərini gücləndirmək üçün tədbirlər görməyə çağırıb.