ABŞ-ın İrana qarşı sanksiyaları yumşaltmaq vədləri boş sözlər olaraq qalır - ÖZƏL

Xəbərlərimizi "WhatsApp" kanalımızdan oxuyun

"Vaşinqtonun İrana qarşı sanksiyaları yumşaltmaq vədləri boşdur".

Olaylar.az xəbər verir ki, bunu Rusiyanın BMT-dəki daimi nümayəndəsi Vasili Nebenzya bildirib.

"ABŞ-ın Tehrana maksimum təzyiq siyasətindən əl çəkəcəyi və nüvə sazişinə qayıtacağı vədləri boş söz olaraq qaldı. Bundan əlavə, vəziyyət pisləşir. Birləşmiş Ştatlar  JCPOA və 2231 saylı Qətnamənin pozulması uzun müddətdir xroniki xarakter daşıyır. Təəssüflər olsun ki, BMT-nin baş katibi öz hesabatlarında bu aydın faktı nəzərə almamağı üstün tutur, Vaşinqtondan anti-İran sanksiyalarını yumşaltmaq üçün təvazökar tələblərlə məhdudlaşır. Eynilə, hesabatda Böyük Britaniya, Almaniya və Fransanın hərəkətlərinə məhəl qoyulmur. Aİ artıq bir neçə ildir ki, xaricdəki dostlarından pis nümunə götürür" - o, BMT Təhlükəsizlik Şurasının iclası zamanı deyib.

Nebenzya həmçinin qeyd edib ki, Rusiya İranın nüvə proqramı üzrə Birgə Hərtərəfli Fəaliyyət Planına (JCPOA) alternativ olmadığına inanır və beynəlxalq təhlükəsizlik üçün sazişin yenidən başlanmasının zəruri olduğuna inanır.