ABŞ bu ölkənin cənubunda 38 yeni "F-15EX" qırıcısı yerləşdirməyi planlaşdırır

Xəbərlərimizi "WhatsApp" kanalımızdan oxuyun

ABŞ silahlı qüvvələri Yaponiyanın cənubunda Okinava adasında Kaden bazasında 38 müasir "F-15EX" qırıcısını daimi əsasda yerləşdirməyi nəzərdən keçirir.

Olaylar.az xəbər verir ki, bu barədə "Nikkei" qəzeti ABŞ Hərbi Hava Qüvvələrinin komandanlığına istinadən məlumat yayıb.

Məlumata görə, ABŞ Kaden hərbi-hava bazasında daimi əsasda hərbi təyyarələr yerləşdirmək niyyətindədir.

Bildirilir ki, 2022-ci ildən etibarən bazadan 48 köhnəlmiş "F-15C" qırıcıları mərhələli şəkildə çıxarılmağa başlayıb. Əvəzində isə bazada rotasiya əsasında hərbi təyyarələrin yerləşdirilməsi təklif olunub, lakin hazırda bu variant qeyri-rasional hesab olunub.

Qeyd edək ki, Kaden bazası ABŞ Hərbi Hava Qüvvələrinin ölkə xaricindəki ən böyük bazasıdır və Pentaqonun Şərqi Asiyada ən böyük dayaq məntəqələrindən biri hesab edilir. (Trend)