İsrail ordusu səhvən üç israilli girovu öldürüb

İsrail Müdafiə Qüvvələri Qəzza zolağının şimalında üç israilli girovu səhvən təhdid bilərək öldürüb.

Olaylar.az-ın xəbərinə görə, bunu İsrail Müdafiə Qüvvələrinin sözçüsü Daniel Haqari deyib.

"Şecayyada döyüşlərdə İsrail Müdafiə Qüvvələri üç israilli girovu səhvən təhdid bilib. Nəticə olaraq, İsrail ordusu atəş açaraq onları öldürüb", - o deyib.

Haqarinin sözlərinə görə, yalnız döyüşlərdən sonra meyitlər yoxlanılması üçün İsrail ərazisinə aparıldıqdan sonra üç nəfərin israilli girov olduğu müəyyən edilib.

Bunlar oktyabrın 7-də girov götürülən Yotam Haim, Alon Şimriz və Samer Talaka olub.