Danimarka Ukraynaya 1 milyard dollarlıq hərbi texnika verəcək - ÖZƏL

Danimarka hökuməti Ukraynaya əlavə dəstək üçün müşavirlərlə məsləhətləşmələr aparıb. Müdafiə Nazirliyi bildirib ki, on dördüncü yardım paketinə tanklar, hava hücumundan müdafiə vasitələri, pilotsuz təyyarələr və əks-dronlar və 7 milyard kron (1,02 milyard dollar) dəyərində sursat daxildir.

Bundan əlavə, Danimarka Kiyevin ehtiyaclarını ödəmək üçün müdafiə sənayesi məhsullarının alınmasına 1,75 milyard kron (256 milyon dollar) ayırır.

"Müdafiə sənayesi şirkətlərindən satınalmaların Ukraynanın xüsusi hərbi dəstək ehtiyaclarına əsaslanması vacibdir. Mən şadam ki, Danimarka şirkətlərinin çoxu Ukraynanı dəstəkləyir. Mən Danimarka hərbi sənayesinin nümayəndələri ilə daima hərbi sənayenin miqyasından və gücündən ən yaxşı şəkildə necə istifadə etmək barədə danışıram", - müdafiə naziri Troels Lund Poulsen bildirib.

Qeyd edək ki, 7 milyard kronluq on dördüncü yardım paketi 2023-cü ildən 2026-cı ilə qədər uzanan dövr üçündür.