ABŞ Qəzzada sülhyaratma səylərinin qarşısında kor divar kimi dayanır - ÖZƏL

Rusiyanın BMT-dəki daimi nümayəndəsi Vasili Nebenzya bildirib ki, Birləşmiş Ştatlar Qəzza zolağında istənilən sülhməramlı səylərə mane olur, BMT Təhlükəsizlik Şurasının lazımi tədbirlər görməsinə imkan vermir.
"Birləşmiş Ştatlar bütün sülhməramlı səylərin qarşısında kor divar kimi dayanır. Əvvəldən ABŞ çoxtərəfli diplomatiyanı rədd edir. Biz ABŞ nümayəndələrinin Vaşinqtonun ikitərəfli sakit diplomatiya ilə məşğul olduğu müddətdə dediklərini eşidirik. Yer üzündə heç kim onun səylərini pozmamaq üçün müdaxilə etməməlidir. BMT Təhlükəsizlik Şurasının qətiyyətli tədbir görməməsinin əsas səbəbi budur. Bir sıra üzvlər nizamlanmanın həlli yollarını təklif etdilər, onlar üzrə demək olar ki, hərtərəfli danışıqlar apardılar. Birləşmiş Ərəb Əmirlikləri, Rusiya və Çin Qəzzədəki vəziyyəti müzakirə etmək üçün Təhlükəsizlik Şurasının iclaslarını tələb etməkdə davam edir. Yeri gəlmişkən, bizim qərbli həmkarlarımız bunu heç vaxt etməyiblər", - deyə o, BMT Baş Assambleyasının sessiyasında bildirib.
O xatırladıb ki, hələ oktyabrın 16-da Rusiya BMT Təhlükəsizlik Şurasına Fələstin-İsrail münaqişəsi zonasında dərhal atəşkəs haqqında müddəa ilə ilk qətnamə layihəsini təklif etmişdi, lakin bu, Qərb nümayəndə heyətləri tərəfindən dəstəklənməyib. Üstəlik, Braziliya layihəsinə də ABŞ veto qoyub. 
"O vaxtdan bəri çox dəhşətli hadisələr baş verdi və bu hadisələr göstərdi ki, bizim əvvəldən dediyimizin alternativi yoxdur və biz birmənalı olaraq tərəflərdən döyüş əməliyyatlarını və zorakılığı dayandırmağı tələb etməliyik. Bu, çağırış yox, tələb olmalıdır" - deyə, vurğulayıb.