Məktəbdə dəhşətli olay - 10-larla şagird və direktor yaralandı

Xəbərlərimizi "WhatsApp" kanalımızdan oxuyun

Almaniyanın paytaxtı Berlinin Neukölln rayonunda məktəbdə baş verən kütləvi davada ən azı 49 nəfər xəsarət alıb.

Olaylar.az report-a istinadən xəbər verir ki, bu barədə "Bild" qəzeti yazıb.

Kütləvi davaya səbəb kimi şagirdlər arasında yaranan fikir ayrılığı göstərilib. 14-15 yaşlı 5 yeniyetmə mübahisə zamanı bir-birinin üzərilərinə bibər qazı sıxıblar. Bu tədricən kütləvi davaya çevrilib. İki müəllim davanı dağıtmaq istəyəndə onlara qarşı da qazdan istifadə olunub. Məktəb direktoru şagirdləri ayırmaq istəyərkən qolunu sındırıb.

Qeyd edilib ki, hadisə yerinə polis əməkdaşları gəlib. Asayişi pozanlardan biri hüquq-mühafizə orqanlarının əməkdaşlarını təhqir edib, hədələyib, bundan sonra onu saxlayıblar. Kütləvi davada iştirak edən yeniyetmələr valideynlərinə təhvil verilib.