Yüksək yoluxucu virus yüzlərlə suiti və quşu öldürüb - ÖZƏL

İnfeksion epizootik Antarktidada yüzlərlə fil suitisi, xəz suiti, qağayı və skuanın ölümünə səbəb olub.
İlkin epidemiya Cənubi Atlantik okeanında Cənubi Corciyanın qərb sahillərindəki Quş adasında qeydə alınıb. Çox yoluxucu quş qripi daha sonra bir yarım min kilometr məsafədə digər yaşayış yerlərinə yayılıb. Xəstəlik Folklend adalarında quşlar arasında aşkar edilib.

Antarktika Vəhşi Təbiət Sağlamlığı Şəbəkəsinin rəhbəri Guardian-a deyib: "Bunun quş qripi olma ehtimalı yüksəkdir".
Hazırda alimlər xəstə heyvan və quşların aşkar olunduğu 20 ərazidən bioloji nümunələri tədqiq edirlər. Quşların miqrasiyasının qripin Antarktika materikinə yayılmasına töhfə verməsi ehtimalı yüksəkdir.
2021-ci ildə başlayan yüksək yoluxucu H5N1 ştammının epidemiyası artıq 

milyonlarla çöl quşunu öldürüb.