Yunanıstanın baş naziri: Türklərlə əlaqələrimiz ayrılmazdır- ÖZƏL

Olaylar.az xəbər verir ki, ABŞ dövlət katibi Antoni Blinken Türkiyə səfərindən sonra dünən getdiyi Yunanıstanda baş nazir Kiriakos Mitsotakis ilə görüşüb. 

İclasda Türkiyənin 11 vilayətində böyük dağıntılara səbəb olan zəlzələlər də gündəmdə olub. Gərgin münasibətlərə baxmayaraq, zəlzələlərdən sonra Türkiyəyə dəstək verməyə tələsən Yunanıstanın baş naziri Miçotakis Blinkenlə görüşündə Türkiyəyə də toxunub. Blinkenlə regional məsələlərdən də danışacaqlarını qeyd edən Miçotakis, "Türkiyədən gəlmisiniz. Biz hamımız qonşumuzu vuran humanitar fəlakətdən çox təəssüflənirik. Biz xilasetmə qruplarını köməyə göndərən ilk ölkə olduq. Düşünürəm ki, bu dəhşətli fəlakət sübut etdi ki, xalqlarımız arasında dərin bağ var. Bizim mühüm siyasi fikir ayrılıqlarımız ola bilər, lakin xalqlarımız arasındakı bağ qırılmazdır. Ümid edirəm ki, bu, əlaqələrimizi yaxşılaşdırmaq üçün bir fürsət olacaq və inanıram ki, Şərqi Aralıq dənizində sabitliyə fayda verəcək" deyib.