Rusiya-Ukrayna müharibəsinin yeni fazası başlayır? - ÖZƏL

"Rusiya-Ukrayna müharibəsinin yeni fazaya keçməsi artıq labüddür. Uzun zamandan bəri istər Rusiya, istərsə də Ukrayna tərəfinin hərbi hazırlıqları belə deməyə əsas verir".

Çin beynəlxalq ictimaiyyəti biolaboratoriyaların təhlükəsizliyini artırmağa çağırır - ÖZƏL

Bu fikirləri "OLAYLAR"-a BAXCP sədrinin müşaviri, politoloq Azər Qasımov ABŞ prezidenti Co Baydenin Kiyevə səfərini şərh edərkən səsləndirib. O bildirib ki,  müharibənin ildönümü və Rusiyanın bu günlərdə yeni hücuma keçmə ehtimalının artdığı bir zamanda ABŞ Prezidenti C.Baydenin Ukraynaya gözlənilməyən səfəri Vaşinqtonun Ukraynaya ən yüksək səviyyədə dəstək verəcəyinin işarəsi idi: "Bu, bir növ Rusiyaya meydan oxumaq idi.  Təbii ki, bu, dolayısı ilə müharibəni qızışdırmaq kimi dəyərləndirilsə də,  Rusiya kimsəyə başqa yol buraxmayıb. Tərəflərdən birinin məğlub olması yeni dünya düzəninin qalib tərəfin istəyinə uyğun şəkil alması demək olacaq ki, bu da ABŞ üçün vacib məsələdir". 

Azər Qasımov deyib ki, ABŞ Rusiyanın məğlub olacağına əmindir: "Baydenin Kiyevə səfəri də bu əminlikdən  doğan özgüvəndir. Hava həyəcanı siqnalları altında Kiyev küçələrində addımlamağın özü Moskvaya verilən ən güclü mesajdır".