Hatay Hava Limanının fəaliyyəti BƏRPA OLUNDU

Türkiyənin Nəqliyyat və İnfrastruktur Nazirliyi Hatay Hava Limanının zəlzələ nəticəsində zədələnmiş uçuş-enmə zolağının bərpasından sonra fəaliyyətini bərpa etdiyini açıqlayıb.

Olaylar.az trend-ə istinadən bildirir ki, nazirlik uçuş-enmə zolağının bərpasından əvvəl və sonrakı görüntüləri də paylaşıb.

"Eniş-enmə zolağındakı zədələr aradan qaldırılıb. Hava limanı yenidən fəaliyyətini bərpa edib", - deyə məlumatda bildirilib.

Qeyd edək ki, fevralın 6-da Türkiyənin Kahramanmaraş vilayətinin Pazarcık rayonunda 7,7 bal, Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Həmçinin Türkiyədə bir həftəlik matəm elan olunub.