İranlı səfir Rusiyaya çağırış edib- ÖZƏL

Olaylar.az xəbər verir ki, İranın Moskvadakı  səfiri Kazem Cəlali deyib ki, bəzi Qərb dövlətləri İran və Rusiya yaxınlığında təhdidlər və böhranlar yaratmağa çalışırlar . Səfir Rusiya tərəfinə bu məsələlərin birgə həllini tapmağı təklif edib. Cəlalinin sözlərinə görə, müstəqil siyasətə can atan suveren dövlətlər yol boyu təhlükələrlə qarşılaşırlar.

Diplomat vurğulayıb ki, bu çağırış və təhdidlərdən bəziləri ABŞ başda olmaqla kollektiv Qərbin  digər ölkələrə qarşı tətbiq etdiyi məhdudiyyətlər və sanksiyalarla bağlıdır.

"Düşünürəm ki, indi bu problemləri həll etmək üçün bir yol tapmaq və ölkələrimizin üzləşdiyi təhdid və çağırışlarla birgə mübarizə aparmaq üçün sinerji yaratmağın vaxtıdır". Bundan əvvəl Böyük Britaniyanın Rusiya Federasiyasına pilotsuz təyyarələrin çatdırılmasına görə İran rəsmiləri və iş adamlarına qarşı sanksiyalar tətbiq etdiyi bildirilirdi.

Bundan əlavə, Aİ ölkələrinin liderləri dekabrın 15-də İranın Rusiyaya  silah çatdırmasını müzakirə edəcəklər.