İqlim tədqiqatçıları: " Avropada müşahidə olunan anormal istiliklər təhlükə xəbərçisidir" ÖZƏL

Əhalinin dediyinə görə, Avropanın bəzi hissələrində yayın bitdiyini hiss etmək olmur.
Bəs bunun səbəbi nədir?

Olaylar.az xəbər verir ki, İspaniya və Fransadan tutmuş şimal ölkələri olan Norveç və İsveçə kimi bir çox ölkələrdə payız sezonu olmağına baxmayaraq, qeyri-adi dərəcədə isti temperatur müşahidə olunur.

Qərbi və mərkəzi Avropadakı mülayim şərait, intensiv istilik dalğaları, geniş yayılmış quraqlıq və qitə boyu şiddətli meşə yanğınları ilə müşahidə olunan yaydan sonra iqlim dəyişikliyinin hiss olunan kəskin nəticələri ilə bağlı narahatlıqlar artırır.

İspaniyanın cənubundakı "Moron de la Frontera"-da keçən həftə havanın temperaturu 35 dərəcədən yuxarı qalxdı, halbuki bu istiliyə yay aylarında daha çox rast gəlinir. Fransada bəzi bölgələrdə oktyabrın sonu və noyabrın əvvəlində normadan təxminən 6 dərəcə yüksək temperatur müşahidə olunub.

Qeyri-müəyyən istilik Şimal yarımkürəsi üzərindən qərbdən şərqə axan və hava sistemlərinə nəzarət edən sürətlə hərəkət edən hava lenti olan reaktiv axınındakı bükülmə ilə bağlıdır. Böyük Britaniyanın "Reading" Universitetinin meteorologiya departamentinin tədqiqatçısı Kristofer Ochr("39")Reilli bildirib ki, Şimali Atlantik Okeanının şərq hissəsində yaranan çökəklik cənub-qərb küləklərinin Avropa üzərində normalara uyğun olan havadan daha isti keçməsinə təməl yaradıb.
Reaktiv axınının davranışındakı dəyişikliklər bütün dünyada hava sistemlərinə əhəmiyyətli dərəcədə təsir göstərə bilər.