Gizli kamera vasitəsilə çılpaq turistlərə baxdı, ələ keçdi

ABŞ-da polis çimərlik duşlarına gizli müşahidə kamerası quraşdıran şəxsi saxlayıb.

Olaylar.az bildirir ki, bu barədə MSN xəbər portalı məlumat yayıb.

Nəşrin məlumatına görə, Nyu-Hempşir ştatının sakini, 58 yaşlı Dana Alan Karuzo Florida ştatının Sanibel adasının çimərliyində dəfələrlə çılpaq turistləri izləyib.

İyulun 28-də gizli kamera aşkar edilib - o, yanğın təhlükəsizliyi sensoru kimi gizlədilib. Bir müddət sonra, avqustun 9-da polis Karuzonu tapıb. Nəticədə həmin şəxs Çikaqo hava limanında saxlanılıb. Amerikalı cinayət məsuliyyətinə cəlb olunub.

Milli.Az