Dünyada meymunçiçəyinə yoluxma halları azaldı

Meymunçiçəyi xəstəliyinə yoluxma halları ötən həftə əvvəlki həftə ilə müqayisədə 21 faiz azalıb.

Olaylar.az "qafqazinfo"ya istinadən xəbər verir ki, bu haqda Ümumdünya Səhiyyə Təşkilatının (ÜST) hesabatında qeyd olunub.

Əvvəlki həftə dünyada 7 min 477 meymunçiçəyinə yoluxma halı görüldüyü halda, 15-21 avqust tarixlərində həftəlik halların 5 min 907-yə düşdüyü vurğulanıb.

Qeyd edək ki, meymunçiçəyi virusu indiyədək 90-dan çox ölkədə qeydə alınıb, 44 mindən çox yoluxma hadisəsi aşkarlanıb.