Rusiyadan qanunsuz olaraq silah ixrac etməkdə şübhəli bilinən şəxs tutulub

İş adamı Aleksandr Neruşa Moskvada həbs edilib. O, Rusiyadan kütləvi qırğın silahlarının yaradılması üçün istifadə oluna bilən materialları qanunsuz ixrac etmək cəhdində şübhəli bilinir. 

Olaylar.az xəbər verir ki, bu barədə Moskvanın Lefortovo Məhkəməsinin mətbuat xidməti məlumat yayıb.
"Məhkəmənin qərarına əsasən, Neruş Aleksandr Valeryeviç barəsində 2 ay müddətinə, yəni 2022-ci il oktyabrın 21-dək həbs qətimkan tədbiri seçilib", - deyə məhkəmənin qərarında bildirilir.