Rusiyanın itkiləri açıqlandı

"Ukraynada müharibə başlayandan bəri Rusiya ordusunun 44 900 hərbçisi məhv edilib".

Olaylar.az  "Report"a istinadən xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Bildirilib ki, Rusiyanın digər döyüş itkiləri 1 907 tank, 4 212 zirehli döyüş maşını, 1018 artilleriya sistemi, 266 reaktiv yaylım atəşi sistemi, 141 hava hücumundan müdafiə sistemi, 234 təyyarə, 197 helikopter, 803 PUA, 190 qanadlı raket, 15 gəmi, 3 137 avtomobil texnikası və avtosistern, 97 xüsusi texnikadan ibarətdir.

Xatırladaq ki, Rusiya 2022-ci il fevralın 24-də Ukrayna ərazisinə hərbi müdaxilə edib.