"Starlink" Gürcüstanda peyk interneti üçün icazə alıb

Gürcüstanın Kommunikasiyalar üzrə Komissiyası "Starlink" şirkətinə qlobal peyk internetinin ölkədə işə salınması üçün icazə verib.

Olaylar.az Trend-ə istinadən bildirir ki, bu barədə komissiyanın mətbuat xidməti bildirib.

Qeyd olunur ki, İlon Maskın təsis etdiyi "SpaceX" şirkətinə məxsus "Starlink" ölkə ərazisində fəaliyyətə icazə almaq üçün iyulun 8-də müraciət etmişdi. Yaxın zamanlarda qlobal sistemin Gürcüstantda fəaliyyətə başlayacağı gözlənilir.

Qeyd edək ki, hazırda "Starlink" 32 ölkədə yüksəksürətli internetə çıxışı təmin edir, Yerin orbitində 2 500-dən çox "Starlink" peyki fəaliyyət göstərir.