Tacikistan-Özbəkistan sərhədində ATIŞMA: 15 silahlı məhv edildi (FOTO)
Tacikistan-Özbəkistan sərhədində ATIŞMA: 15 silahlı məhv edildi (FOTO)
Tacikistan-Özbəkistan sərhədində sərhədçilərlə 20 nəfərlik silahlı dəstə arasında baş verən atışma nəticəsində 15 silahlı zərərsizləşdirilib, 1 əsgər və 1 polis əməkdaşı həlak olub.
Məlumatı Tacikstan Dövlət Təhlükəsizlik Komitəsinin Sərhəd Qoşunlarının Mətbuat Xidməti yayıb.
Hadisə noyabrın 6-da səhər saatlarında baş verib. Bir qrup silahlı "Sultanabad" sərhəd dəstəsinin 4 saylı "İşkobod" sərhədyanı zastavasına hücum edib. Sərhədçilərin açdığı atəş nəticəsində onların 15-i öldürülüb, 5-i isə saxlanlıb. Atışma nəticəsində bir əsgər və Tacikistan Daxili İşlər Nazirliyinin bir əməkdaşı ölüb.
Tacikistan Daxili İşlər Nazirliyindən bildirilib ki, əməliyyat nəticəsində silahlı qruplaşmanın 4 avtomobili də məhv edilib.
Unikal.org