Türkiyədə 5 bal gücündə zəlzələ

Türkiyədə zəlzələ qeydə alınıb. BakuPost-un Türkiyə mediasına istinadən məlumatına görə, zəlzələ Çanaqqala şəhərinin Ayvacıq ərazisində qeydə alınıb.

5 bal gücündə zəlzələ təxminən 30 saniyə davam edib. Zəlzələ Mərmərə - Egey bölgələri boyunca, İstanbul, Bursa, Balıkəsir, Ədirnə və İzmir şəhərlərində də hiss edilib. Zəlzələdən sonra Ayvacıq səmtinə elektrik enerjisinin verilişi dayandırılıb.
Dağıntılar və tələfat barədə hələlik hər hansı məlumat verilməyib.