Ukrayna Qafqaza müdaxilə etsə, məhv olacaq - Balbek

Ukrayna ordusu Rusiyaya müdaxilə etsə, məhv olacaq.

Bunu jurnalistlərə açıqlamasında Rusiya Dumasının deputatı Ruslan Balbek deyib.

"Cənub Hərbi Dairəsinin qoruması altında olan Rusiya torpaqlarının işğalından söhbət gedə bilərmi? Bu böyük siyasətçinin ələ keçirəcəyi yeganə şey onun Kubana ekskursiyaya gələcəyi halda əlinə alacağı bir ovuc torpaq olacaq. Hazırda nə Kuban, nə də Qafqazdakı əhalinin Ukraynanın tərkibinə daxil olmaq arzusu yoxdur. Rusiya ərazisinə müdaxilə zamanı təkcə Ukrayna ordusu yox, həm də bu müharibənin ideoloqu məhv olacaq", - deyə o bildirib.

Qeyd edək ki, bundan öncə ukraynalı deputat Andrey Biletski Kuban və Qafqazın Ukraynanın tərkibinə güclə qaytarılmasıyla bağlı çağırış edib.

axar.az