Qaçırılıb, zorlanan qadından tükürpədici açıqlama: "25-30 min verəcəklərini dedi"

İstanbulun mərkəzi Taksimdə F.E. adlı qadını qaçıraraq onu zorladıqdan sonra, şikayətindən imtina etməsi üçün pul təklif edildiyi deyilir. Zərər çəkmiş şəxs F.E. hadisə zamanı bıçaqlanan rəfiqəsi E.Y.-nin təklifi qəbul etdiyini bildirib.

İstanbulun mərkəzi Taksimdə F.E. adlı qadını qaçıraraq onu zorladıqdan sonra, şikayətindən imtina etməsi üçün pul təklif edildiyi deyilir. Zərər çəkmiş şəxs F.E. hadisə zamanı bıçaqlanan rəfiqəsi E.Y.-nin təklifi qəbul etdiyini bildirib. Göstərilən ərazidə məkanlardan birində əyləndikdən sonra səhərə yaxın evlərinə getmək istəyən 2 qadından F.E. yıxılıb. Kömək bəhanəsi ilə qadınlara yaxınlaşan Dursun A. və Engin K. F.E.-ni kürəyinə alıb, bir evə aparıb. İddiaya görə, onlara müqavimət göstərən E.Y.-ni bıçaqlayan təcavüzkarlar F.E.-ni zorlayıblar.

Yanvar ayında baş verən hadisəyə bağlı İstanbul Ağır Cəza Məhkəməsindəki ilk prosesdə zərər çəkmiş F.E. başına gələnləri danışıb. Zorladıqdan sonra şübhəlinin ona: "Dostunu öldürdük. Olanları danışsan səni də öldürərik", - deyə təhdid etdiyini söyləyib.  "O gün qorxduğum üçün şikayət etmədim. Hadisədən üç gün sonra polisə şikayət etdim" , - deyən F.E. hadisə ilə əlaqədar şok bir iddia ortaya atıb: "Yanımda olan E.Y. "Şikayətdən imtina edəcəyimiz təqdirdə Dursun və Enginin 25-30 min TL verəcəklərini dedi", - söyləyib. Mən imtina etməyəcəyimi, özü isə qəbul edəcəyini dedi. Onunla artıq əlaqəm yoxdur".

Məhkəmə təxirə salınıb. Milli.az  Milliyet-ə istinadən xəbər verir.