Türkiyənin qocaman sənətkarı Aytac haqda nələr dedi?- VİDEO
Türkiyənin qocaman sənətkarı, aktrisa və müğənni kimi öz sözünü demiş Nazan Şoray azərbaycanlı müğənni Aytac Vidadiqızı haqda açıqlama verib. Nazan Şoray sosial şəbəkədəki hesabında videopaylaşım edərək, bunları deyib: "Aytac Vidadiqızı ilə yeni layihələrdə Türkiyədə görüşəcəyik".
Türkiyənin qocaman sənətkarı, aktrisa və müğənni kimi öz sözünü demiş Nazan Şoray azərbaycanlı müğənni Aytac Vidadiqızı haqda açıqlama verib. Nazan Şoray sosial şəbəkədəki hesabında videopaylaşım edərək, bunları deyib: "Aytac Vidadiqızı ilə yeni layihələrdə Türkiyədə görüşəcəyik". Türkan Şorayın doğma bacısı olan Nazan layihə haqda başqa heç bir əlavə məlumat verməyib.
Aytac Vidadiqızı sənətini Azərbaycanla yanaşı, Türkiyədə də davam etdirəcəyini bildirib: "Azərbaycanla yanaşı, Türkiyədə də layihələrə imza atıram. Bu həm məsuliyyətli, həm də ciddi işdir. Türkiyədə bütün işlərimə həyat yoldaşım Canberk rəhbərlik edir. Onun Türkiyədə güclü əlaqələri var. Qardaş ölkədə nəinki təkcə ifaçı kimi, həm də bəstəkar kimi çalışacağam. Bir neçə musiqi şirkətlərindən təklif gəlsə də, hələ heç biri ilə müqaviləyə imza atmamışam. Nazan Şorayın dedikləri isə sürprizdir. Mən uşaqlıqdan Türkan və Nazan xanımı çox sevmişəm. Hamımızın uşaqlığı bu bacıların filmlərini izləməklə keçib. Düzü ağlıma da gəlməzdi ki, nə vaxtsa Şoray imzalı bir layihəyə imza atacağam. Bircə onu deyim ki, gözləməyə dəyər".
Qeyd edək ki, Aytac Vidadiqızı türkiyəli iş adamı ilə ailəlidir. Cütlüyün birgə nigahdan Bəstə adlı qız övladı var.