Polis məmuru və ailəsinin olduğu avtomobilin qabağını kəsdilər
Bitlis-Diyarbakır yolunun Buzlupınar hissəsində yol kəsən PKK terrorçuları bəzi avtomobilləri dayandırıblar.
30 Avqust 2016 15:08 DünyaBitlis-Diyarbakır yolunun Buzlupınar hissəsində yol kəsən PKK terrorçuları bəzi avtomobilləri dayandırıblar.
Türkiyə KİV-i xəbər verir ki, bu zaman Qaziantəpdən Vanın Çatak mahalına təyin olunan polis məmuru M.D., həyat yoldaşı və uşağının da içərisində olduğu avtomobil ilə yeni vəzifəsini icra etmək üçün yol gedərkən terrorçuların yol kəsdiyini hiss edib. Bu an ərazidən uzaqlaşmağa çalışan M.D.-nin idarə etdiyi avtomobil terrorçular tərəfindən atəşə tutulub. Hadisə zamanı polis məmuru M.D. yaralanıb.
Yaralı polis Bitlis Dövlət Xəstəxanasına çatdırılıb. Terrorçuların saxlanılması istiqamətində təhlükəsizlik qüvvələri gücləndirilmiş iş rejiminə keçib.