İrəvandaekı Xorenasi küçəsində vəziyyət anbaan gərginləşir.
Milli.Az Ermənistan mediasına istinadən bildirir ki, nümayişçilərlə polislər arasınlda toqquşma var. Post-patrul xidmətinin əməkdaşları atəş açırlar.
Polislər sıraya düzülüblər və yük maşınları ilə yolu kəsiblər. Nümayişçilər isə bildirirlər ki, girovların saxlandığı post-patrul xidməti alayında nəsə baş verir. Bir qədər iki təcili yardım maşını polis səflərinin arasından çıxaraq xətəxanaya yollanıb.

PPX alayında girovları saxlayanlardan biri Varujan Havetisyan nümayişçilərdən biri ilə telefonla əlaqə saxlayaraq bildirib ki, aksiya iştirakçılarını dəstəkləmək üçün havaya atəş açıb. O, daha sonra heç bir hücuma məruz qalmadıqlarını deyib.
İyulun 17-də Dağlıq Qarabağ müharibəsinin "veteran"ı, Livan ermənisi Jirayr Sefilyanın tərəfdarları Erebunidə post-patrul xidmətinin alayına hücum edərək polis əməkdaşlarını girov götürüblər. Alay komandirinin müavini Artur Vanoyan hücumda yaralanıb. Polis polkovniki Aram Hovannisyan, polkovnik-leytenant Qraç Hosteqyan, çavuş Qagik Mkrtıçyan, operator Robert Hayrapetyan, habelə hücum edənlərdən biri - Tatul Tarmazyan yaralanıb.
Xəstəxanaya aparılmış T.Tarmazyanın vəziyyəti kritikdir. O, reanimasiya bölməsindədir.
İrəvanda silahlı şəxslərin ələ keçirdiyi polis şöbəsinin qarşısında polis və mülki vətəndaşlar arasında təkrar baş vermiş toqquşmalar nəticəsində dörd polis əməkdaşı yaralanıb.
Bu barədə deputat, "Erməni Milli Konqres" müxalifət fraksiyasının üzvü Nikol Paşinyan bildirib.
"Vətəndaşlar ara yollarla mühafizə olunan əraziyə keçməyə cəhd edərkən polis əməkdaşları ilə toqquşma baş verib. Nəticədə dörd polis xəsarət alıb, onlar xəstəxanaya aparılıblar. İlkin məlumata görə, yaralar odlu silahla yetirilməyib. Bu insanlar polisi daş-qalaq ediblər", - deyə Nikol Paşinyan bildirib.