Sosial
Bütün ölkədə 1-ci sinfə qəbul elektron olacaq
Şagirdlərin 1-ci sinfə qəbulunun elektron qaydada həyata keçirilməsi bütün ölkə üzrə tədricən tətbiq olunacaq. Məlumata görə, bunu Təhsil Nazirliyinin Təhsilin inkişafı proqramları şöbəsinin müdiri Emin Əmrullayev deyib. E.Əmrullayev bildirib ki, yeni dərs ilində Bakıdan başqa, Sumqayıt, Gəncə şəhərləri və Abşeron rayonunda da şagirdlərin 1-ci sinfə qəbulu elektron formada aparılacaq. Şöbə müdirinin sözlərinə görə, 1-ci sinfə qəbulun elektron formada aparılması bir sıra neqativ halların qarşısını əsaslı şəkildə alacaq. Bu, eləcə də valideynlərin işini xeyli asanlaşdıracaq:
Qəbələdə istirahət mərkəzi yanıb
Qəbələdə istirahət mərkzində yanğın hadisəsi qeydə alınıb. “Olaylar” Fövqəladə Hallar Nazirliyinin saytına istinadən xəbər verir ki, rayonun Vəndam qəsəbəsində istirahət mərkəzinin ərazisində ümumi sahəsi 126 kv.m olan yeməkxananın yanar konstruksiyaları və içərisində olan əşyalar yanıb. Yanğın zamanı 2 ədəd məişət qaz balonu təhlükəsiz əraziyə çıxarılıb. İstirahət mərkəzinin qalan hissəsi yanğından mühafizə olunub. Yanğın yanğın bölmələri tərəfindən söndürülüb.
İşsizlərə nə qədər müavinət verilib?
2018-ci il fevral ayının 1-i vəziyyətinə məşğulluq xidməti orqanları tərəfindən ölkə üzrə rəsmi işsiz statusu verilən şəxslərin sayı 37 968 min nəfər olub.Statistika Komitəsindən verilən məlumata görə, onların 36,5 faizini qadınlar təşkil edib.İşsizlik müavinətinin orta məbləği 331,0 manat olub. Qeyd edək ki, işsizlik statusu verilənlərin 6 572 nəfəri müavinət alır. İşsizlik statusu alanlar Bakı şəhərində üstünlük təşkil edib – 18 856 nəfər.
Regional proqramlar Tərtərdə dinamik inkişafa səbəb olub
Respublikanın hər bir bölgəsində Regionların sosial-iqtisadi inkişafına dair Dövlət Proqramları uğurla həyata keçirilib. 2004-cü ildən etibarən mərhələli şəkildə həyata keçirilən bu proqram çərçivəsində görülən işlər, yaradılan infrastruktur nəticəsində cəbhəyanı rayonların da siması dəyişib, Hər bir cəbhəyanı rayonda olduğu kimi Tərtər rayonunda da qeyd edilən Dövlət Proqramları, eləcə də bu proqramın 2014-2018-ci illləri əhatə edən mərhələsi uğurla icra edilib.
AMЕA Naxçıvan Bölməsinin əməkdaşı AMEA-nın Fəxri Fərmanı ilə təltif olunub
AMЕA Naxçıvan Bölməsinin böyük elmi işçisi Əfruz Nəsirova elmi fəaliyyətində fərqləndiyinə görə AMEA-nın Fəxri Fərmanı ilə təltif olunub. Gənc elmi işçiyə Fərmanı Azərbaycan Milli Elmlər Akademiyasının Rəyasət Heyətinin iclasında AMEA-nın prezidenti, akademik Akif Əlizadə təqdim edib.
Paytaxtətrafı məktəblərdə görüşlər başa çatıb
“Ümumi təhsildə keyfiyyət ili” çərçivəsində paytaxtın ətraf ərazilərində yerləşən ümumi təhsil müəssisələrində keçirilən görüşlər yekunlaşıb. “OLAYLAR”-a daxil olan məlumata görə, görüşlərdə Bakı Şəhəri üzrə Təhsil İdarəsinin (BŞTİ) müdiri Məhəbbət Vəliyeva, İdarənin müvafiq struktur bölmə rəhbərləri, məktəb direktorları və valideyn icmasının təmsilçiləri iştirak ediblər.
Türkiyəyə çörək dalınca gedənlər: 2 mindən çox azərbaycanlıya iş icazəsi verilib
Türkiyənin Əmək və Sosial Müdafiə Nazirliyinin məlumatına görə, ötən il bu ölkədə 87 mindən çox əcnəbiyə iş icazəsi verilib. Bunların 2 min 449 nəfəri azərbaycanlıdır. Bu barədə İhlas Agentliyi məlumat yayıb. İş icazəsi üçün 100 min nəfərdən çox insan müraciət etsə də, onlardan13 min nəfərin sorğusu rədd edilib. Mənbənin yazdığına görə, Türkiyədə çörək qazanmağa gələnlərin əksəriyyəti – 20 min nəfərdən çoxu suriyalıdır. Növbəti yerlərdə isə Gürcüstan (7 min 317 nəfər), Qırğızıstan (6 min 360 nəfər), Ukrayna (5 min 761), Çin (4 min 288 nəfər), Türkmənistan (3 min 847 nəfər), Hindistan (3 min 55 nəfər), Özbəkistan (2 min 465 nəfər) vətəndaşları gəlir. Azərbaycanlılar isə bu siyahıda 8-ci sırada yer alıb.
Nazir yeni rəislər təyin etdi
Bakıda iki polis bölməsinin rəisi dəyişdirilib. Məlumata görə, bu barədə Daxili işlər naziri, general-polkovnik Ramil Usubov müvafiq əmr imzalayıb. Əmrə əsasən, Qaradağ rayon Polis İdarəsinin 11-ci Polis Bölməsinin rəisi Lətif Cahangirov tutduğu vəzifədən azad edilərək Xətai rayon Polis İdarəsinin 37-ci Polis Bölməsinin rəisi, 37-ci Polis Bölməsinin rəisi Bayram İslamov tutduğu vəzifədən azad edilərək Nəsimi rayon Polis İdarəsinin 21-ci Polisi Bölməsinin rəisi təyin olunublar.
Şagirdlərin seksual aktivliyini azaltmaq üçün peyvəndlənmə aparıla bilərmi? - EKSPERTLƏR ŞƏRH EDİR
Son dövrlər orta məktəblərdə neqativ hadisələrin baş verməsi artıb. Xəbər verdiyimiz kimi, belə bir neqativ hadisə Bakı şəhərinin Səbail rayonunda yerləşən 132-134 nömrəli Təhsil Kompleksində baş vermişdi. Belə ki, 11-ci sinif şagirdi olan oğlan 7-ci sinifdə oxuyan qız şagirdi məktəbin idman zalının geyinib-soyunma otağında zorlayıb. Bu cür neqativ hallar təkrarlanmaması üçün atılacaq addımlarla maraqlanıb.
Bayılda sürüşmə nəticəsində dağılmış 4 evin sahibinə kompensasiya veriləcək
“Bayıl sürüşmə zonasındakı vəziyyətlə bağlı Nazirlər Kabinetinin müvafiq sərəncamı imzalanıb. Həmin sərəncama əsasən Bayıl yamacında sürüşmə təhlükəsi ilə bağlı ərazidən köçürülən 98 ailənin 11 ay ərzində müvəqqəti yerləşdiyi mənzillər üçün kirayə haqqının ödənilməsi məqsədi ilə Azərbaycan Respublikasının 2018-ci il dövlət büdcəsinin Ehtiyat Fondundan Səbail rayon İcra Hakimiyyətinə müvafiq vəsait ayrılıb”.
İstanbulda Xocalı faciəsi sərgisi
Fevralın 19-20-də İstanbulun Ulduz Texnik Universitetində Xocalı faciəsinə həsr olunmuş Azərbaycanın İstanbul Baş Konsulluğunun təşkil etdiyi " XOCALIYA ƏDALƏT" fotosərgisi keçiriləcək.
Vətəndaşlar nazirdən hansı xahişi etdilər?
Cəlilabad rayonu, Heydər Əliyev Mərkəzində gənclər və idman naziri Azad Rəhimovun vətəndaşlarla görüş keçirib. “OLAYLAR”-a nazirliyin mətbuat katibliyindən bildirilib ki, Lənkəran Astara, Cəlilabad, Lerik, Masallı, Yardımlı şəhər və rayonlarından ümumilikdə 20-dən artıq vətəndaş qəbulda iştirak edib.
Metropolitençilər qan verdi
“Bakı Metropoliteni” QSC-də hemofiliya və talassemiyadan əziyyət çəkən uşaqlara yardım məqsədilə ənənəvi qanvermə aksiyası keçirilib. Səhmdar Cəmiyyətin mətbuat xidmətindən “OLAYLAR”-a bildirilib ki, artıq dörd ildir ki, bu kampaniya Metropoliten İşçiləri Həmkarlar İttifaqının təşəbbüsü ilə təşkil olunur.
Dövlət Komitəsi yanında İctimai Şuranın ilk iclası keçirilib
Dini Qurumlarla İş üzrə Dövlət Komitəsi yanında İctimai Şuranın ilk iclası keçirilib. “OLAYLAR”-a Komitədən daxil olan məlumata görə, iclası giriş sözü ilə açan Dövlət Komitəsinin sədri Mübariz Qurbanlı bildirib ki, Prezident İlham Əliyevin bu sahəyə göstərdiyi diqqət sayəsində Azərbaycanda vətəndaş cəmiyyəti institutlarının fəaliyyəti genişlənib, QHT-lər dövlət idarəçiliyi və qanun yaradıcılığı prosesinin iştirakçısına çevriliblər. Qeyd edib ki, Dövlət başçısının Sərəncamı ilə təsdiq edilmiş “Açıq Hökumətin təşviqinə dair 2016-2018-ci illər üçün Milli Fəaliyyət Planı”nda da ictimai iştirakçılıqla bağlı qarşıya yeni vəzifələr qoyulub.
Daxili Qoşunların zabit heyəti ilə görüş keçirilib
Daxili İşlər Nazirliyi ilə Dini Qurumlarla İş üzrə Dövlət Komitəsi (DQİDK) arasında təsdiqlənmiş Tədbirlər Planına əsasən Daxili Qoşunların zabit heyəti ilə görüş keçirilib. “OLAYLAR”-a Dini Komitədən bildirilib ki, görüşdə çıxış edən Dövlət Komitəsinin sədr müavini Səyavuş Heydərov dini radikalizm və ekstremizmin mahiyyəti, yaranma səbəbləri və onlara qarşı mübarizənin hüquqi əsasları, xüsusilə bu sahədə reabilitasiya işlərinə üstünlük verilməsi barədə ətraflı məlumat verib. Natiq vurğulayıb ki, dini radikalizmlə mübarizənin effektivliyinin artırılması üçün maarifləndirmə, preventiv və proflaktik xarakterli tədbirlərə üstünlük verilir. Dövlət Komitəsinin sədr müavini onu da bildirib ki, DQİDK bu istiqamətdə digər dövlət qurumları, eləcə də hüquq-mühafizə orqanları ilə koordinasiyalı şəkildə tədbirlər həyata keçirir.





.jpg)






.jpg)
.jpg)
