Sosial

Balakəndə qanunsuz kəsilmiş at əti aşkarlanıb

1 Mart 2018 17:35

Martın 1-də daxil olmuş məlumat əsasında Kənd Təsərrüfatı Nazirliyiyanında Dövlət Baytarlıq Nəzarəti Xidmətinin (DBNX) Balakən Rayon Baytarlıq İdarəsinin və Daxili İşlər Nazirliyinin Baş İctimai Təhlükəsizlik İdarəsinin Karantin tədbirlərini təmin edən Əlahiddə Polis Taboru əməkdaşlarının iştirakı ilə keçirilən tədbir zamanı Balakən rayonunun Gərəkli kənd sakini Ramazan Nəcməddin oğlu Muğumovun həyətinə baxış keçirilib.

İstintaq qrupu Bayıl sürüşmə sahəsinə baxış keçirir

1 Mart 2018 17:33

Bayıl yamacında baş verən sürüşmə ilə əlaqədar başlanmış cinayət işini araşdıran istintaq qrupu hadisə yerinə baxış keçirir. Məlumata görə, bu gün Bakı şəhər Prokurorluğunun əməkdaşlarından ibarət istintaq qrupu mütəxəssislərlə birgə Bayıl yamacında gedib. Onlar hazırda sürüşmə nəticəsində dağılmış evlərə baxış keçirir. Baxışın nəticəsi olaraq müvafiq qərar qəbul ediləcək.

Daha bir sayt fəaliyyətə başladı

1 Mart 2018 17:18

Martın 1-dən Azərbaycanda yeni media qurumu – sayt fəaliyyətə başlayıb. Saytın yaradıcısı Parlement Jurnalistləri Birliyinin sədri Elşad Eyvazlıdır. AzEdu.az sırf təhsil saytıdır. Saytın hansı zərurətdən yaranması ilə bağlı sorğuya cavab olaraq Elşad Eyvazlı bildirib ki, bu sahədə müəyyən boşluqlar var: “Ciddi bir təhsil komandası ilə bu işə başladıq. Komandanın üzvləri arasında yeni təhsil ekspertlərindən tutmuş xaricdə təhsil almış gənclərə qədər müxtəlif insanlar var. Qarşımıza böyük məqsədlər qoymuşuq və hədəflərə çatmaqda çox israrlıyıq”.

Bağlı qapı arxasında halsız qalmış şəxs xilas edilib

1 Mart 2018 17:12

Böhran Vəziyyətlərində İdarəetmə Mərkəzinə daxil olmuş məlumata əsasən, Mingəçevir şəhərində 1 nəfər mənzildə bağlı qapı arxasında köməksiz vəziyyətdə qalıb. Fövqəladə Hallar Nazirliyindən “Olaylar”a verilən məlumata görə, hadisə yerinə cəlb olunmuş Dövlət Yanğından Mühafizə Xidmətinin müvafiq xilasetmə qüvvələri mənzilin qapısını açmış və halsız vəziyyətdə olan vətəndaşı aidiyyəti üzrə təhvil vermişlər. Əməliyyat başa çatmışdır.

Bakıda şirniyyat sexi yanıb

1 Mart 2018 17:10

Bakı şəhəri, Nizami rayonunda ümumi sahəsi 800 m² olan şirniyyat sexində yanğın baş verib. Fövqəladə Hallar Nazirliyindən “Olaylar”a verilən məlumata görə, nəticədə sahəsi 12 m² olan, plastik materialdan ibarət ofis otağı, 38 m² sahəyə yığılmış kağız və plastik qutular yanıb, yüksək temperaturdan sexin lambirdən ibarət tavanı 200 m² sahədə əriyib. Sexin qalan hissəsi yanğından mühafizə olunub. Yanğın yanğın bölmələri tərəfindən söndürülüb.

Saxta sənədlərin identifikasiyası mövzusunda təlim öz işinə başlayıb

1 Mart 2018 17:09

2018-ci ilin 1 mart tarixində Beynəlxalq Miqrasiya Təşkilatının (BMqT) Azərbaycan Respublikasındakı Nümayəndəliyi və Azərbaycan Respublikasının Xarici İşlər Nazirliyi tərəfindən Azərbaycan Respublikasının bir sıra dövlət qurumlarının əməkdaşları üçün təşkil edilmiş saxta sənədlərin identifikasiyası mövzusunda iki günlük təlim öz işinə başlamışdır.

Texniki yardım layihəsinin İdarəetmə Komitəsinin üçüncü görüşü

1 Mart 2018 17:05

Təhsil Nazirliyi yanında Peşə Təhsili üzrə Dövlət Agentliyində “Azərbaycanda Peşə Təhsili və Təliminin (PTT) İnkişafına Avropa İttifaqının Dəstəyi” texniki yardım layihəsinin İdarəetmə Komitəsinin üçüncü iclası keçirilib.

Dəmir yolunda MM üzrə nəzəri- praktik tədbirlər keçirilib

1 Mart 2018 17:03

“Azərbaycan Dəmir Yolları” QSC-nin 2018-ci il üçün tədbirlər planına müvafiq olaraq, Biləcəri dəmir yolu qovşağında, “Təsərrüfat İdarəsi” MMC-də, Mühafizə İdarəsinin Bakı Mühafizə komandasında, Bakı-yük stansiyasında və digər müəsissələrdə “Mülki müdafiə və milli qurumlar tərəfindən fövqəladə halların effektiv idarə olunması” mövzusunda nəzəri-praktik tədbirlər keçirilib. Səhmdar Cəmiyyətin ictimaiyyətlə əlaqələr şöbəsindən “OLAYLAR”-a bildirilib ki, tədbirin keçirilməsində məqsəd, işçilərə fövqəladə hallar zamanı əhalinin və əmlakın təhlükəsizliyinin təmin edilməsi vərdişlərini və fövqəladə hallar zamanı davranış qaydalarını öyrətməkdir.

AzTU Almaniya universitetləri ilə razılaşmalar əldə edib

1 Mart 2018 16:59

Azərbaycan Texniki Universitetinin (AzTU) “Maşınqayırma“ fakültəsinin dekanı, dosent Ərəstun Məmmədov Almaniyanın Berlin Texniki Universitetində (Berlin TU) keçirilən İCM–2018 (Konferenz zur Internationalisierung der Curricula MİNT–Fächer) adlı beynəlxalq konfransda iştirak edib. Təhsil ocağından “OLAYLAR”-a bildirilib ki, konfrans universitet tələbələrinin tədris prosesi zamanı mübadilə proqramlarında iştirak etmələrini asanlaşdırmaq, əcnəbi tələbələrin öz təhsillərini bu universitetlərdə davam etdirmək proseslərinə kömək məqsədi ilə Riyaziyyat, İnformatika, Təbiət və Texniki elmlər – Fənləri (MİNT-Fächer) üzrə tədris planlarının (kurikulumlarının) beynəlmiləlləşdirilməsi yollarının axtarışına həsr edilib.

İctimai nəqliyyatda davranış qaydaları müzakirə edilib

1 Mart 2018 16:58

Azərbaycan Turizm və Menecment Universitetində ictimai nəqliyyatda davranış qaydalarına həsr olunmuş tədbir keçirilib. “OLAYLAR”-a “BakuBus” MMC-nin ictimaiyyətlə əlaqələr şöbəsindən bildirilib ki, tədbirdə ictimai nəqliyyatda baş verən xoşəgəlməz hadisələr və avtobusda təhlükəsizlik və davranış qaydaları ilə bağlı tələbələrlə geniş fikir mübadiləsi aparılıb, Azərbaycan Respublikasının Prezidenti yanında Gənclər Fondunun maliyyə, "BakuBus" MMC-nin təşkilati dəstəyi ilə hazırlanmış sosial çarxın nümayişi keçirilib. Çıxış edənlər ictimai nəqliyyatda baş verən hadisələr zamanı hər bir sərnişinin münasibəti ilə formalaşan ictimi qınağın, ictimai nəzarətin əhəmiyyətindən söz açıblar.

Fərhad Hacıyev nazir müavini təyin edildi

1 Mart 2018 16:42

Gənclər və İdman naziri Azad Rəhimova yeni müavin təyin edilib. Məlumata görə, bu vəzifəyə Azərbaycan Respublikasının Prezidenti yanında Gənclər Fondunun keçmiş icraçı direktoru Fərhad Hacıyev təyin olunub. F.Hacıyev Prezident İlham Əliyevin sərəncamı ilə açılan nazirin üçüncü müavini ştatında fəaliyyət göstərəcək.

Kolleclərə ərizə qəbulu başladı

1 Mart 2018 16:38

Dövlət İmtahan Mərkəzi (DİM) 2018/2019-cu tədris ili üçün Azərbaycanın orta ixtisas təhsili müəssisələrinə ümumi (9 illik) orta təhsil bazasında tələbə qəbulu elan edir. DİM-dən “Olaylar”a verilən məlumata görə, orta ixtisas təhsili müəssisələrinə ərizələrin qəbulu martın 1-dən martın 27-dək internet vasitəsilə aparılır.

Onların sayı 24 milyon 575 minə çatıb

1 Mart 2018 16:28

Cari ilin fevral ayında Azərbaycan Respublikası Əmək və Əhalinin Sosial Müdafiəsi Nazirliyinin “Elektron Hökumət” portalı üzərindən təqdim etdiyi elektron xidmətlərə 750 607 dəfə müraciət olunub. Ümumilikdə ötən dövrdə əmək və sosial müdafiə sahələri üzrə e-xidmətlərə 24 milyon 575 min müraciətin qeydə alınması aktual fəaliyyət sahələrini əhatə edən bu e-xidmətlərə cəmiyyətdə olan böyük sosial tələbi və ictimai marağı təsdiq edir.