Bakı-Novxanı veloturu keçiriləcək

Sentyabrın 7-də Binəqədi rayonu ərazisində Bakı-Novxanı veloturuna start veriləcək. "OLAYLAR"-ın xəbərinə görə, velotur "Təmiz Binəqədi" layihəsi çərçivəsində Binəqədi Rayon İcra Hakimiyyətinin və Təbiət Dostları GİB-nin nəznində Yaşıl Velosipeçilər Klubunun birgə əməkdaşlığı ilə həyata keçirilir.

Qeyd edək ki, tura Binəqədi Rayon İcra Hakimiyyəti nümayəndələri və Təbiət Dostları GİB-nin "Gənc Təbiət Dostu" adlı təlimçilər üçün təlimin yerli və xarici iştirakçıları da qoşulacaq.  Veloturdan sonra ekoloji movzuda həm tur iştiakçıları həm də layihə iştirakçıları üçün kiçik seminar nəzərdə tutulub.