44 günlük möhtəşəm qələbəyə aparan 4 gün
Azərbaycanın hərb salnaməmizə "Dördgünlük müharibə" kimi yazılan və ordumuzun parlaq tarixi qələbələri sırasında layiqli yer tutan 2016-cı il APREL DÖYÜŞLƏRİNDƏN 9 il ötür. 2016-cı il aprelin 2-də Ermənistan silahlı qüvvələrinin təxribatlarına cavab olaraq, Azərbaycan Ordusu əks-hücum əməliyyatı ilə 4 gün əzində düşməni ağır məğlubiyyətə uğradaraq, o vaxt işğal altında olan ərazilərin 2 min hektardan çox hissəsini azad etdi.Həmçinin strateji cəhətdən vacib bir sıra ərazi və yüksəkliklər Azərbaycan Ordusunun nəzarətinə keçdi.
Hazırda dünyada yaşananılan təlatümlər təkqütblü dünya düzənindən çoxluqütlü dünya düzəninə keçid adlandırılsa da,əslində dünya sürətlə təhlükələrini proqnozlaşdırmaq mümkün olmayan xaos içindədir.Eyni zamnada İkinci Qarabağ müharibəsindəki möhtəşəm qələbəmizdən sonra erməni havadarları tərəfindən Azərbaycana qarşı basqıların güclənməsi,təxribatların artan xəttlə getməsi ölkəmiz əleyhinə olan məqamlarının görünməyən tərəflərinin görünən tərəflərindən daha çox olması fikirləşmək üçün zəngin matearial verir ki, Azərbaycanın haqq-ədalətin bərpasını təmin edən qələbəsindən yetərincə nəticə çıxarılmayıb.Belə bir vaxtda "Dördgünlük müharibə"nin dərslərinə bir də nəzər salmaq çox vacibdir:
1."Dördgünlük müharibə" hərb meydanında əldə edilən çox zəruri bir qələbə olmaqla yanaşı,həm də Azərbaycana qarşı tətbiq edilən "hibrid müharibə"nin bütün müstəvilərində qələbəmizə möhkəm zəmin yaradan,xalqımızın milli ruhunun,iradəsinin,qətiyyətinin gücünü, birliyini və ordumuzun qüdrətini nümayiş etditən möhtəşəm bir qələbə oldu.
2."Dördgünlük müharibə" çox vacib bir faktı ortaya qoydu ki, həm dünyada vəziyyət,həm də yaşadığımız regionda güc balansı dəyişib.Azərbaycan təkcə iqtisadi və demoqrafik deyil, həm də hərbi baxımdan Ermənistandan qat-qat güclüdür.
3."Dördgünlük müharibə" Ermənistana çox ciddi siqnal və mesaj oldu ki, havadarlarının güc və dəstəyinə arxalanaraq işğalçılıq yolunu davam etdirsə,arxasında kimin durmasından asılı olamyaraq Ermənistan Azərbaycanın güçünün qarşında quruş gətirə bilməyəcək və aprel döyüşlərindəkindən də ağır məğlubiyyətlərə düçar olacaq.Bu kontekstdə aprel döyüşləri Ermənistanın başına gələ biləcək ən pis ssenariləri də ortaya qoydu ki, havadarlarının vədlərinə güvənib qonşusunun varlığına son qoymaq mərəzinin məntiqi sonu öz varlığını təhlükə altına atmaqdan başqa bir şey deyil.
4."Dördgünlük müharibə"- 2016-cı ilin 2 aprelindən 2020-ci ilin 8 noyabrına-Qarabağın azadlığına gedən yolda 44 günlük Vətən müharibəsindəki zəfərimizin başlanğıcı,təməl daşı oldu.Aprel döyüşləri bütün dünyaya göstərdi ki,30 il düşmən tapdağında qalan torpqlarımızın azad olunmasına gedən yol və zaman o qədər də uzaqda deyil.Həmin mesajlar özünün doğruldu.2016-cı ilin Aprel döyüşlərində əldə edilən böyük hərbi uğurun və "hibrid müharibə"nin digər müstəvilərindəki uğurlarımızın məntiqi nəticəsi olaraq 2020-ci ildə Vətən müharibəsində Qarabağ düşmən işğalından azad edildi.
Zaman keçdikcə ölkəmizin "Dördgünlük müharibə"dəki zəfərinin əhəmiyyəti ilə yanaşı, Azərbaycanın 44 günlük müharibədəki zəfərinin və 23 saatlıq anti-terror əməliyyatının da Cənubi Qafqaza və dünyaya gətirəcəyi faydalar daha yaxşı anlaşılacaq.Ona görə də Qarabağ ətrafındakı qanlı oyunu başladan və yeni oyunlar qurmağa cəhdlərlə regionumuzda rəqabət aparan dünya gücləri Qarabağ mövzunun bağlandığını həzm etməli, bu məsələ ilə bağlı məkrli siyasətlərini tarixin arxivinə göndərməli, manipulyasiyalara, təxribatlara,riyakar fəaliyyətlərinə, Azərbaycana açıq və əlaltdan yeritdikləri təzyiqlərinə son qoymalıdırlar.
Bir tərəfdən Azərbaycanın müharibədəki qələbəsini həzm etmək istəməyən,digər tərəfdən isə Azərbaycanın bu qələbə ilə regionda yeni situasiya yaradıb daha böyük hədəflərə nail olmaq üçün yaxşı şans qazanması faktı qarşısında aciz qalanlar Ermənistan vasitəsilə qurulan məkrli oyunları davam etdirməkdənsə,öz səylərini əsas məqamları artıq razılaşdırılmış sülh müqaviləsinin bağlanmasının sürətlənməsinə, regionunuzda etibarlı və davamlı sülhə nail olunmasına,eləcə də Azərbaycanın işğaldan azad edilmiş ərazilərdə başladığı və regionda sülhə,əmin-amanlığa,sabitliyə və tərəqqiyə xidmət edən böyük missiyasına,quruculuq işlərinin dəstəklənməsinə yönəltsələr,bu həm region ölkələri və xalqları üçün,həm də dünyanın proqnozlaşdırılması mükünsüz hala düşdüyü hazırkı çox təhlükəli bir zamanıbda qlobal baximdan da çox gərəkli və perspektivli olardı.
Əli Məsimli
Milli Məclisin deputatı