İlham Əliyev sülh müqaviləsinin imzalanmasında maraqlı olduğunu növbəti dəfə bəyan etdi- ÖZƏL

"Almaniya Federal Prezidenti Frank-Valter Ştaynmayerin Azərbaycana ilk səfəri 2 ölkə arasındakı münasibətlərdə mühüm mərhələ oldu". "Olaylar" xəbər verir ki, bunu Milli Məclisin deputatı Rəşad Mahmudov deyib: "Əsas müzakirə istiqamətlərindən biri enerji sahəsində əməkdaşlığın genişləndirilməsi, Azərbaycan təbii qaz ixracını artırmaq və bərpa olunan enerji layihələrini inkişaf etdirməklə Avropanın enerji təhlükəsizliyinin təmin edilməsində etibarlı tərəfdaş kimi rolunu təsdiqlədi. Prezident İlham Əliyev Xəzər dənizinin külək enerjisi sahəsində mühüm potensialını qeyd edərək, "yaşıl" enerjinin Avropaya ixracı planlarını vurğuladı. Bundan əlavə, səfər iqtisadi əlaqələrin möhkəmlənməsinə töhfə verdi. Dövlət başçımız alman sahibkarlarının Azərbaycan iqtisadiyyatına göstərdiyi diqqətdən məmnunluğunu ifadə etdi və onları xüsusilə bərpa olunan enerji mənbələri sahəsində daha fəal əməkdaşlığa çağırdı.
Həmçinin, regional təhlükəsizlik məsələləri və Azərbaycan və Ermənistan arasında münasibətlərin normallaşdırılması prosesi müzakirə olundu. Hər iki tərəf sülh danışıqlarının davam etdirilməsində maraqlı olduqlarını bildirərək regionda sabitliyin vacibliyini vurğuladılar. Azərbaycan lideri sülh müqaviləsinin imzalanmasında maraqlı olduğunu növbəti dəfə bəyan etdi, ancaq bunun baş verməsi üçün Ermənistanan atmalı olduğu addımları da sadaladı".