Prokurorluq orqanlarında 94 qadın əməkdaş çalışır - Baş prokuror

Prokurorluq orqanlarında 94 qadın əməkdaş çalışır.

Olaylar.az xəbər verir ki, bunu Baş prokuror Kamran Əliyev prokurorluq orqanlarına qulluğa yeni qəbul olunmuş gənclərin andiçmə mərasimində bildirib.

Bildirilib ki, onların 54-ü 2002-2019-cu il ərzində keçirilmiş 21 müsabiqə nəticəsində, 40-ı isə 2020-2023-cü ildə keçirilmiş 4 müsabiqənin nəticəsində işə qəbul edilmişdir.

"Müsabiqə yolu ilə işə qəbul edilmiş şəxslərin 9,3%-ni qadınlar təşkil edir.

Hazırda rəhbər vəzifədə işləyən 10 qadın işçidən 1-i idarə rəisi, 3-ü idarə rəisinin müavini, 1-i şöbə rəisi, 4-ü rayon prokuroru, 1-i isə rayon prokurorunun müavini vəzifəsində işləyir.