MEDİA NÜMAYƏNDƏLƏRİ İLƏ GÖRÜŞ
Bərdə Regional Mədəniyyət İdarəsinin rəhbərliyinə yeni təyin olunmuş Vasilə xanım Mövsümova bu günlərdə təmsil etdikləri şəhər və rayonlarda fəaliyyət göstərən Kütləvi İnformasiya Vasitələrinin- mətbuat, televiziya, portal, internet, sayt və digər media qurumlarının nümayəndələri ilə görüş keçirmişdir. Dəyirmi masa arxasında səmimi ovqat şəraitində keçən görüşdə Vəsilə Mövsümova özü haqqında qısa arayış verdikdən sonra ona göstərilən etimadı layiqincə doğrultmaq istiqamətində bütün bilik və bacarığını, potensial imkanlarını əsirgəməyəcəyini bildirmişdir.
Görüş zamanı Regional İdarənin rəhbəri yeni seçildiyi qurumun fəaliyyəti, gələcək planları və qarşıda duran vəzifələr barədə ətraflı məlumat vermiş, müstəqilliyimizin bərpasından sonra milli mətbuatımızın inkişafında yeni mərhələnin başlandığını diqqətə çatdırmış, KİV nümayəndələri ilə birgə qarşılıqlı fikir mübadiləsi etmiş, dəyərli məsləhət, təklif və tövsiyələrini bölüşmüşdür. Vəsilə xanım onu da xüsusi vurğulamışdır ki, rəhbərlik etdiyi qurumun qapısı media işçilərinin, hər bir vətəndaşın üzünə günün bütün saatlarında açıqdır.
Möhtərəm Prezidentimiz, Silahlı Qüvvələrin Ali Baş Komandanı Müzəffər Sərkərdə İlham Əliyev cənablarının "dəmir yumruğu" ətrafında birləşərək 44 günlük İkinci Qarabağ müharibəsində mənfur düşmən uzərində qazandığımız cahanşümul qələbəmizdən sonsuz qürur hissi ilə danışan natiq Azərbaycan jurnalistlərinin də bu möhtəşəm qələbəmizdə rolu olduğunu yüksək dəyərləndirmişdir. İşğaldan azad olunmuş ərazilərimizdə hiyləgər düşmənin milli- mənəvi və mədəni irsimizə, mövcud tarixi abidələrimizə qarşı törətdiyi terror, vəhşilik və vandalizm aktlarından da ürək ağrısı ilə söhbət açan natiq onu da qeyd etmişdir ki, döyüş meydanında qalib gəldiyimiz kimi milli - mənəvi dəyərlərimizin əsl sahibi olmaq uğrunda da sizli-bizli səy və bacarığımızı əsirgəməməliyik. Tədbirdə çıxış edən mətbuat nümayəndələri onların əməyinə verilən dəyərə görə minnətdarlıqlarını ifadə edərək bu cür görüşlərin Regional İdarə ilə əməkdaşlıqda əhəmiyyətli körpü rolu oynayacağına əminliklərini bildirmişlər
Tədbirə yekun vuran Vəsilə xanım Mövsümova dəvətlərini qəbul edərək görüşə gəlmiş media mənsublarına rəhbərlik etdiyi qurum adından təşəkkürünü bildirmiş. cəmiyyətimizin güzgüsü sayılan milli mətbuat sahəsindəki fəaliyyətlərində hər birinə uğurlar arzulamış, birgə xatirə şəkli çəkdimişdir.
Bu sətirlərin müəllifi kimi mən və tədbirin digər iştirakçıları da ilk gündən mədənyyətimizin inkişafına diqqət və qayğını fəaliyyətinin başlıca prioriteti qəbul etmiş Vəsilə xanım Mövsümovaya gələcək fəaliyyyətində yeni-yeni yaradıcılıq uğurları arzuladıq.
"AİLƏ GÜNÜ" TƏDBİRİNDƏ DƏ İŞTİRAK ETDİK
Həmin gün media mənsubları olaraq Bərdə şəhərinin qədim tarixi abidələrindən olan "Torpaq qalası", "Nüşabə qalası" adlanan ərazidə Bərdə Regional Mədəniyyət İdarəsinin təşkilatçılığı ilə Beynəlxalq Ailə gününə həsr olunmuş tədbirə biz də qoşulduq. Şəhər rəsmlərnin və geniş ictimaiyyət nümayəndələrinin iştirak etdiyi tədbirdə çıxış edən Bərdə Regional Mədəniyyət İdarəsinin rəisi Vəsilə Mövsümova bildirmişdir ki, BMT Baş Assambleyasının 20 sentyabr 1993-cü il tarixli qətnaməsinə uyğun olaraq 1994-cü ildən etibarən hər il may ayının 15-i dünyada Beynəlxalq Ailə günü kimi qeyd edilir. Natiq onu da diqqətə çatdırmışdır ki, müstəqil Azəpbaycanda dövlət - ailə siyasətinin formalaşması məhz ümummilli lider Heydər Əliyevin adı ilə bağlıdır və bu siyasət Azərbaycan Prezidenti İlham Əliyev cənabları və Birinci xanım Mehriban Əliyeva tərəfindən bu gün də uğurla davam etdirilir.
Beynəlxalq Ailə günü ilə əlaqədar hazırlanmış rəngarəng proqramlı, əlvan kompozisiyalı, musiqili və çal-çağırlı tədbirdə düzənlənən rəsm sərgisi, qədim tariximizə söykənən, müxtəlif dövrləri əhatə edən məişət əşyaları və digər eksponatlar da tamaşaçılar tərəfindən maraqla qarşılandı..
Ramiz HƏMİDOV,
Yevlaxda çıxan "Kür" qəzetinin əməkdaşı.