Cənub zonasının Mərkəzi Xəstəxana rəhbərləri ilə görüş keçirilib

TƏBİB-in İdarə Heyətinin sədri vəzifəsini icra edən Vüqar Qurbanov Cəlilabad-Salyan və Lənkəran Tibbi Ərazi Bölmələrinə (TƏB) daxil olan Biləsuvar, Salyan, Neftçala Cəlilabad, Lənkəran, Lerik, Masallı, Astara və Yardımlı Rayon Mərkəzi Xəstəxanalarının direktorları ilə görüşüb.

"OLAYLAR" TƏBİB-ə istinadən xəbər verir ki, görüş zamanı Vüqar Qurbanov icbari tibbi sığortanın tətbiq edilməsi, elektron göndərişlərin verilməsi, o cümlədən tibbi xidmətinin keyfiyyətinin yaxşılaşdırılması ilə bağlı müvafiq tapşırıqlarını verilib.

Daha sonra Xəstəxana rəhbərlərinin təklifləri dinlənilib və gələcəkdə görüləcək işlərlə bağlı fikir mübadiləsi aparılıb.