Bəzi məlumatların yayımı məhdudlaşdırlır

Dini ekstremizm əleyhinə xüsusi əməliyyatlar barədə ictimaiyyətə məlumatın verilməsi zamanı məhdudiyyətlər müəyyənləşir. "Olaylar" xəbər verir ki, bu, "Media haqqında" qanun layihəsində əksini tapıb. Qanuna görə, aşağıdakı məlumatların yayılmasına yol verilmir: - dini ekstremizm əleyhinə xüsusi əməliyyatların aparılması taktikası və texniki üsulları haqqında məlumatlar;

- dini ekstremizm əleyhinə aparılan xüsusi əməliyyat zonasında və ya bu zonanın hüdudlarından kənarda olan insanların həyatına və sağlamlığına təhlükə yaradan və dini ekstremizm əleyhinə xüsusi əməliyyatların aparılmasına maneə törədən məlumatlar;

- dini ekstremizmə bəraət qazandıran və ya onun təbliğinə xidmət edən məlumatlar;

- dini ekstremizm əleyhinə aparılan xüsusi əməliyyatlarda iştirak edən, habelə bu əməliyyatların aparılmasına kömək edən şəxslər haqqında məlumatlar.