Füzuli və Ağdamda su hövzələri minalardan təmizlənir - Polkovnik

Füzuli və Ağdam rayonları ərazisində su hövzələri minalardan təmizlənir.

Olaylar.az xəbər verir ki, bunu   Fövqəladə Hallar Nazirliyinin "N" saylı hərbi hissəsinin komandiri, polkovnik Əbülfəz Süleymanov deyib.

Onun sözlərinə görə, su hövzələrinin minalardan təmizlənməsi böyük əhəmiyyət kəsb edir.

"Məqsədimiz vətəndaşlarımız tezliklə geri qayıtdıqdan sonra onların kənd təsərüffatı işləri ilə rahat şəkildə məşğul olmalarına şərait yaratmaqdır", - deyə polkovnik qeyd edib.