Şəmkirdə ağır qəza - ÖLƏN VAR

Aprelin 5-də saat 12 radələrində Şəmkir rayonunda ağır yol qəzası baş verib.

Olaylar.az Daxili İşlər Nazirliyinə istinadən xəbər verir ki, Əliyaqublu kəndi ərazisində Yeni Həyat kənd sakini E.Salahov idarə etdiyi "VAZ-21154" markalı avtomobillə yolu keçən Göygöl rayon sakini C.Məmmədovu vurub. Nəticədə xəsarətlə xəstəxanaya yerləşdirilmiş piyada orada ölüb.

Baş İstintaq və Təhqiqat İdarəsi tərəfindən araşdırma aparılır.