Deputatın faciəli şəkildə ölən oğlunun cənazəsi Bakıya gətirilir

Millət vəkili Əsabil Qasımovun İsveçrədə qış turizm mərkəzində faciəvi şəkildə vəfat edən 29 yaşlı oğlu Elçin Qasımovun cənazəsi Azərbaycana gətirilir.

Publika.az xəbər verir ki, E.Qasımovun cənazəsinin gətirilməsi üçün Azərbaycandan İsveçrəyə çarter reysi ilə təyyarə göndərilib və bu saatlarda təyyarə xüsusi reyslə birbaşa Bakıya yola düşüb. Ə.Qasımovun oğlunun "Qurd Qapısı" məzarlığında dəfn ediləcəyi gözlənilir.

Qeyd edək ki, Ə.Qasımovun oğlu Elçin Qasımov yanvarın 23-də İsveçrədə qış turizm mərkəzində xizək sürərkən bədbəxt hadisə nəticəsində vəfat edib.