Xızı sakinləri kombayn çatışmazlığından əziyyət çəkir

Bəzi rayonlarda kombayn çatışmazlığı problemi hələ də gündəmdədir.

Xızı rayon sakinləri də texnika sarıdan əziyyət çəkənlər sırasındadır.

Belə ki, rayonun bir sıra kəndlərində kombayn olmadığına görə sakinlər məhsulu yığa bilmir. Sakinlərin sözlərinə görə, onlarla hektar dənli bitki məhv olmaq təhlükəsilə üz-üzə qalıb. Bu da kənd təsərrüfatına ciddi ziyan vurur.

Qeyd edək ki, bənzər problem ölkənin digər rayonlarında da yaşanır. Bir neçə gün öncə Yevlaxda kombayn çatışmazlığı fermerlər və rayon regional nümayəndəliyinin direktoru arasında qarşıdurmaya səbəb olmuşdu.