Gənclər Dayanıqlı İnkişaf Məqəsdləri haqqında maarifləndiriliblər

"Bizim Gənclik" İctimai Birliyi tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə birgə həyata keçirilən "Gənclər arasında Dayanıqlı İnkişaf Məqsədlərinin təşviqi" layihəsi çərçivəsində cari ilin iyun ayı ərzində gənclərlə görüşlər keçirilib.

İctimai Birlikdən "OLAYLAR"-a verilən məlumata görə, 3, 99 və 115 nömrəli tam orta məktəblərində keçirilmiş tədbirlərdə gənclər Dayanıqlı İnkişaf Məqəsdləri haqqında maarifləndiriliblər. Tədbirdə Dayanıqlı İnkişaf Məqəsdlərinin əsasını təşkil edən ekologiya, sağlamlıq, qadın-kişi bərabərliyi, inovasiya mövzularına toxunulmuş beyin həmləsi, oyun və sual-cavaba xüsusi yer ayrılıb. Bununla yanaşı lazimi sosial mesajın çatdırılması məqsədi ilə çap olunmuş "Dayanıqlı İnkişaf Məqsədləri və Azərbaycan gəncliyi" adlı bukletlər gənclər arasında paylanılıb.