Miqrasiya Xidməti şimal zonasında 34 nəfərə səyyar xidmət göstərib
Xaçmaz regional miqrasiya idarəsinin xidmət ərazisinə aid olan Qusarda əcnəbi və vətəndaşlığı olmayan şəxslər üçün növbəti səyyar xidmət təşkil edilib. “OLAYLAR”-ın Xidmətə istinadən verdiyi xəbərə görə, Rayonun Gənclər Mərkəzində təşkil edilmiş səyyar xidmətin imkanlarından müraciət edən 34 şəxs istifadə edib.
Xaçmaz regional miqrasiya idarəsinin xidmət ərazisinə aid olan Qusarda əcnəbi və vətəndaşlığı olmayan şəxslər üçün növbəti səyyar xidmət təşkil edilib. "OLAYLAR"-ın Xidmətə istinadən verdiyi xəbərə görə, Rayonun Gənclər Mərkəzində təşkil edilmiş səyyar xidmətin imkanlarından müraciət edən 34 şəxs istifadə edib. Onlardan 12 nəfərinə Azərbaycan Respublikasının vətəndaşlığına mənsubiyyətinin müəyyən olunması ilə bağlı arayış, 11 şəxsə ölkə ərazisində müvəqqəti yaşamaq üçün icazə vəsiqələri verilib. 1 nəfərdən müvəqqəti yaşama icazəsi almaq, 4 şəxsdən vətəndaşlıq mənsubiyyətinin müəyyən edilməsi ilə bağlı müraciət, 1 şəxsdən Xidmətin funksiyalarına dair digər məsələ ilə bağlı ərizə qəbul edilib. 5 şəxsə isə təqdim etdikləri sənədlərdə mövcud çatışmazlıqlar izah edilib, həmçinin xidmətlərlə bağlı qanunvericiliklə tələb olunan sənədlərin siyahısı verilib.