YAP Binəqədi rayon Gənclər Birliyinin hesabat seçki konfransı keçirilib
Yeni Azərbaycan Partiyası Binəqədi rayon Təşkilatının 22 illiyi və Gənclər Birliyinin IV hesabat-seçki konfransı ilə bağlı tədbir keçirlib. "OLAYLAR"-a daxil olan məlumata görə, tədbirdə Binəqədi rayon İcra hakimiyyəti başçısı Xaləddin İsgəndərov və müavinləri, YAP İdarə Heyətinin üzvü, Milli Məclisinin Aqrar Siyasət Daimi Komisətinin sədri Eldar İbrahimov, millət vəkili Sevinc Fətəliyeva və digər qonaqlar iştirak ediblər. Tədbiri giriş sözü ilə açan YAP Binəqədi rayon Təşkilatının sədri Ramiz Göyüşov rayon partiya təşkilatının yaradılmasından 22 il keçidiyini, bu müddət ərzində bir çox uğurlara imza atıldığını bildirib. YAP Binəqədi rayon Təşkilatı Gənclər Birliyinin sədri Qüdsi Bayramov Birliyin fəaliyyəti haqda məruzə xarakterli çıxış edib. Daha sonra Konfransda təşkilatı məsələlərə baxılıb, YAP Binəqədi rayon Təşkilatı Gənclər Birliyinin 39 nəfərdən ibarət Şura, 11 nəfərdən ibarət İdarə Heyəti, sədr və sədr müavinləri və YAP Gənclər Birliyinin respublika konfransına 7 nəfərdən ibarət nümayəndə heyəti seçilib. Səsvermə nəticəsində YAP Binəqədi rayon Təşkilatı Gənclər Birliyinin İdarə Heyətinin üzvü Mahmud Məmmədzadə Gənclər Birliyinin sədri, İdarə Heyətinin üzvləri Telman İmanov və Nəzirə Rzazadə isəsədr müavinləri vəzifəsinə seçilib.
Binəqədi rayon İcra hakimiyyətini başçısı Xaləddin İsgəndərov Gənclər Birliyinin IV seçki-hesabat konfransı münasibətilə yeni seçilmiş heyətə uğurlar arzulayıb. Xaləddin İsgəndərov ölkəmizdə Dövlət Gənclər siyasətinin əsasının ulu öndər Heydər Əliyev tərəfindən qoyulduğunu, bu siyasətin cənab prezident İlham Əliyev tərəfindən uğurla aparıldığını bildirdi, gənclərlə bağlı müxtəlif Dövlət Proqramlarının qəbulu haqda danışıb. Sonda rayon partiya təşkilatının yaradılmasının 22 illiyi münasibətilə bir qrup şəxsə Fəxri Fərmanlar, partiya sıralarına yeni qəbul olunmuş gənclərə isə onların partiya vəsiqələri təqdim edilib. Konfransdan sonra Binəqədi rayon İcra hakimiyyətini başçısı Xaləddin İsgəndərov yeni seçilmiş heyətlə görüşüb və onlara gələcək işlərində uğurlar arzulayıb.