Tatevik Soqoyan: “Seçici zombi deyil, onun hissləri var” – ÖZƏL

Olaylar.az xəbər verir ki, "Ermənistan" blokunun nümayəndələri Tatevik Soqoyan və Hovannes Xudoyan Konstitusiya Məhkəməsindəki yekun çıxışlarında parlament seçkilərində qeydə alınan kütləvi qanun pozuntularını sərt tənqid ediblər. Vəkillər hakim "Vətəndaş Müqaviləsi" partiyasının inzibati resurslardan sui-istifadə etdiyini, seçki ərəfəsində pensiyaların artırılması ilə seçicilərin rəyinə ciddi təsir göstərdiyini və qanunsuz maliyyə manipulyasiyalarına yol verdiyini bildiriblər. 

Çıxışda hakim partiyanın seçki xərclərini 960 milyon dram aşdığı, həmçinin mayın 28-də parad üçün ayrılan 1 milyon dolların faktiki olaraq hakimiyyətin seçki kampaniyasındakı dron şousuna xərcləndiyi vurğulanıb. Hüquqşünaslar Baş nazir Nikol Paşinyanın aqressiv bəyanatları ilə seçicilərə təzyiq etdiyini, MSK-nın isə bu qanunsuzluqlara göz yumaraq Çiçəklənən Ermənistan Partiyasına verilən 58 min səsi batırdığını iddia ediblər.