Azərbaycan Venesuelaya başsağlığı verdi

Azərbaycan Xarici İşlər Nazirliyi (XİN) Venesuelaya başsağlığı verib. Nazirlik bu barədə X hesabında yazıb.

"Venesuelada baş verən faciəvi insan itkisinə və geniş miqyaslı dağıntılara səbəb olan dağıdıcı zəlzələdən dərindən kədərlənirik. Faciə qurbanlarının ailələrinə ürəkdən başsağlığı verir və bu çətin vaxtda Venesuela xalqı və hökuməti ilə həmrəyliyimizi ifadə edirik. Zərər çəkən bütün insanlara tezliklə sağalmalarını arzulayırıq", - paylaşımda qeyd olunub.