Badri Caparidze: Saakaşvilinin bəyanatı onun biznes haqqında yanlış təsəvvürə malik olduğunu göstərir – ÖZƏL

Olaylar.az xəbər verir ki, "Güclü Gürcüstan - Lelo" koalisiyasının liderlərindən biri Badri Caparidze eks-prezident Mixail Saakaşvilinin "Lelo"nu "Badri və Mamukanın biznes layihəsi" adlandırmasına cavab verib. 

Caparidze bildirib ki, cəmiyyətin hazırda müxalifət partiyaları arasında qarşıdurmaya ehtiyacı yoxdur və Saakaşvilinin bu bəyanatı onun biznesdən anlayışı olmadığını nümayiş etdirir. Onun fikrincə, bu çıxış keçmiş prezidentin rəhbərlik etdiyi "Milli Hərəkat" partiyasındakı daxili problemlərdən diqqəti yayındırmaq cəhdidir. 

Qeyd edək ki, Mixail Saakaşvili öz növbəsində müxalifətin bir hissəsini onun şəxsiyyəti hesabına özünü təsdiqləməkdə və hakimiyyətlə əməkdaşlıqda ittiham edərək, biznes qruplarının layihəsi olan partiyaların qələbə qazana bilməyəcəyini iddia etmişdi.